19 წლის მეზღვაური ედმონ დანტესი მარსელში საკუთარ ნიშნობაზე ჩადის, მაგრამ შურიანი „მეგობრები“ მას ბონაპარტისტულ შეთქმულებაში მონაწილეობას აბრალებენ და ბედნიერების ზღურბლზე მდგომ ახალგაზრდას ციხეში ამწყვდევენ. თოთხმეტწლიანი პატიმრობის შემდეგ ის ახერხებს გაქცევას და კუნძულ მონტე-კრისტოზე დამალულ საგანძურს ეუფლება. ზღაპრულად გამდიდრებული დანტესი პარიზის მაღალ საზოგადოებაში გრაფი მონტე-კრისტოს სახელით ბრუნდება — შურისძიება იწყება.
„გრაფი მონტე-კრისტო“ (The Count of Monte-Cristo, 2025) ალექსანდრე დიუმას უკვდავი რომანის ბრწყინვალე ფრანგული ეკრანიზაციაა, სადაც მთავარ როლს პიერ ნინე ასრულებს, მას ანაის დემუსტი და ბასტიენ ბუიონი უწევენ პარტნიორობას. მასშტაბური სათავგადასავლო დრამა IMDb-ზე 7.6 ქულითაა შეფასებული.