პოპულარული ვიდეოთამაშის ეკრანიზაცია „განთიადამდე“ (Until Dawn, 2025) დევიდ ფ. სენდბერგმა გადაიღო — რეჟისორმა, რომელიც საშინელებათა ჟანრს კარგად იცნობს. მეგობრების ჯგუფი დროის იდუმალ მარყუჟში ექცევა: ყოველ ღამეს უცნობი, საზარელი მტრები მისდევენ და კლავენ მათ, გათენებისას კი ყველაფერი თავიდან იწყება. გადარჩენის ერთადერთი გზა განთიადამდე გაძლებაა.
დეტექტიური ელემენტებით გაჯერებულ ამ საშინელებათა ფილმში მთავარ როლებს ელა რუბინი და მაიკლ ციმინო ასრულებენ. ყოველი ახალი ღამე ახალ საფრთხეს და სიკვდილის უფრო საზარელ ფორმას მოაქვს, ამიტომ გმირებმა მარყუჟის საიდუმლო უნდა ამოხსნან, სანამ შიში საბოლოოდ გადაყლაპავს მათ. ატმოსფერული ვიზუალი და მუდმივი დაძაბულობა ჟანრის მოყვარულებს გულგრილს ნამდვილად არ დატოვებს.