ორი ლეგენდარული ოსტატი ერთ ეკრანზე — „კარატისტი ბიჭუნა: ლეგენდები“ (Karate Kid: Legends, 2025) ჯეკი ჩანსა და რალფ მაჩიოს კულტური ფრენჩაიზის ახალ თავში აერთიანებს. ოჯახური ტრაგედიის შემდეგ კუნგ-ფუში დახელოვნებული მოზარდი ლი ფონგი პეკინიდან ნიუ-იორკში გადადის საცხოვრებლად, სადაც სრულიად ახალ გარემოსთან შეგუება უწევს.
როდესაც მეგობარს მისი დახმარება სჭირდება, ლი კარატეს შეჯიბრში ერთვება, თუმცა მალე ხვდება, რომ მხოლოდ საკუთარი უნარები საკმარისი არ არის — და მისი მასწავლებელი, ბატონი ჰანი, დახმარებისთვის თავად დენიელ ლარუსოს მიმართავს. მთავარ როლს ბენ ვანგი ასრულებს. ჯონათან ენტვისლის ეს სპორტულ-სათავგადასავლო ფილმი IMDb-ზე 6.6 ქულით შეფასდა.