წყნარი პროვინციული ქალაქი, გადამწვარი სიმინდის სიროფის ქარხანა და ყანებიდან გამომზირალი მომღიმარი კლოუნი — ელი კრეიგის საშინელებათა ფილმი „ჯამბაზი სიმინდის ყანაში“ (Clown in a Cornfield, 2025) ადამ სესარეს პოპულარულ რომანს ეფუძნება. ქუინი და მამამისი ახალი ცხოვრების დასაწყებად პატარა ქალაქში გადადიან, მაგრამ იქ მხოლოდ დაშლილ, კრიზისში ჩაფლულ საზოგადოებას ხვდებიან.
თაობებს შორის დაძაბულობა მატულობს და სწორედ ამ დროს ჩნდება ბოროტი კლოუნი, რომელიც ქალაქის „გაწმენდას“ სისხლიანი მსხვერპლებით იწყებს. მთავარ როლს კეიტი დუგლასი ასრულებს, მას კევინ დიურანი და უილ სასო უწევენ პარტნიორობას. სლეშერი კლასიკურ შიშებს თანამედროვე სოციალურ სარკაზმს უხამებს.