შორეულ კუნძულ კარპატიაზე, მიყრუებულ სოფელში, ბავშვები ოჩის სახელით ცნობილი არსებების შიშში იზრდებიან — ასე იწყება ზღაპრული სათავგადასავლო ფილმი „ლეგენდა ოჩიზე“ (The Legend of Ochi, 2025). მორცხვი ფერმერი გოგონა იური ერთ დღეს დაჭრილ პატარა ოჩის პოულობს, რომელიც თავის ჯოგს ჩამორჩა, და ხვდება, რომ ეს არსებები სულაც არ არიან ისეთი საშიშები, როგორც უფროსები ამტკიცებენ.
გოგონა სახიფათო მოგზაურობას იწყებს, რათა პატარა არსება ოჯახს დაუბრუნოს — გზა კი მას საკუთარ ოჯახთან და შიშებთან შერიგებისკენაც მიუძღვის. საოჯახო ფენტეზი ხელნაკეთი ვიზუალური ეფექტებით და სათუთი ატმოსფეროთი გამოირჩევა: ეს ძველებური ყაიდის ზღაპარია მეგობრობაზე, შიშის დაძლევასა და გულის ხმის მოსმენაზე.