ჯეიმს განი DC-ის კინოსამყაროს ახლიდან იწყებს და „სუპერმენი“ (Superman, 2025) სწორედ ამ ახალი ეპოქის ქვაკუთხედია. კლარკ კენტი ერთი შეხედვით რიგითი ჟურნალისტია, სინამდვილეში კი უზარმაზარი ძალის მქონე კრიპტონელი, რომელიც ადამიანურ სიკეთესა და თანაგრძნობას ნებისმიერ ზეძალაზე მაღლა აყენებს. როცა მის მეორე სამშობლოს — დედამიწას — საფრთხე ემუქრება, მას არანაკლებ ძლიერ მოწინააღმდეგესთან დაპირისპირება მოუწევს.
სუპერმენის როლში დევიდ კორენსვეტი გვევლინება, ლოის ლეინს რეიჩელ ბროსნაჰანი ასახიერებს, მთავარ მოწინააღმდეგეს კი — ნიკოლას ჰოულტი. განის ფანტასტიკური ბლოკბასტერი ჟანრს კომიქსების სიხალისეს, ფერად ვიზუალსა და გულწრფელ ოპტიმიზმს უბრუნებს. ფილმი IMDb-ზე 7.7 ქულითაა შეფასებული.