ე. ლოკჰარტის ბესტსელერის ეკრანიზაცია „ჩვენ მატყუარები ვიყავით“ (We Were Liars, 2025) მდიდარი ოჯახის იდეალურ ფასადს მიღმა დამალულ სიბნელეს იკვლევს. კერძო კუნძულზე მომხდარი უბედური შემთხვევის შემდეგ ოჯახის მემკვიდრეს მეხსიერება უზიანდება — მას იმ ზაფხულის მოვლენები თითქმის საერთოდ არ ახსოვს, ოჯახი კი სიმართლეს გულმოდგინედ უმალავს.
კუნძულზე დაბრუნებული გმირი ცდილობს, ნაწილ-ნაწილ აღადგინოს ის, რაც ყველას ავიწყდება თითქოს განზრახ. დეტექტიური დრამა ნელა, მაგრამ დაუნდობლად შლის საიდუმლოს ფენებს და ფინალში ისეთ პასუხს გვთავაზობს, რომ მთელი ისტორიის გადააზრება გვიწევს. IMDb-ზე ამბავი 6.7 ქულითაა შეფასებული, თავად რომანი კი მკითხველთა შორის დიდი ხანია კულტად იქცა.