Pixar-ის ანიმაცია „ელიო“ (Elio, 2025) მეოცნებე ბიჭუნას ისტორიაა, რომელიც კოსმოსითა და უცხოპლანეტელებითაა შეპყრობილი. ერთ დღეს მისი ოცნება ახდება — ელიო გალაქტიკურ გაერთიანებაში ხვდება, სადაც სხვადასხვა პლანეტის წარმომადგენლები მას შემთხვევით დედამიწის ლიდერად მიიჩნევენ.
ახლა მორცხვმა ბიჭმა მთელი პლანეტის სახელით უნდა ილაპარაკოს, კოსმიური კრიზისი განმუხტოს და ამ თავგადასავალში საკუთარი ადგილიც იპოვოს. კომედიური, სათავგადასავლო და საოჯახო ფანტასტიკა Pixar-ისთვის დამახასიათებელი ვიზუალური ფანტაზიით, სითბოთი და მარტოობის თემისადმი ფაქიზი დამოკიდებულებით გამოირჩევა. ანიმაციას IMDb-ზე 6.8 ქულა აქვს და პატარებსაც და უფროსებსაც თანაბრად ეხმიანება.