„ფინალური სიის“ სამყარო ფართოვდება: სერიალი „ფინალური სია: ბნელი მგელი“ (The Terminal List: Dark Wolf, 2025) ბენ ედვარდსის წარსულს გვიყვება — იმ მოვლენებს, რომლებმაც საზღვაო ძალების სპეცრაზმელი დაზვერვის ჩრდილოვან სამყარომდე მიიყვანა. სამხედრო სამსახურიდან მოულოდნელი გათავისუფლების შემდეგ ედვარდსი CIA-ის იდუმალ აგენტთან იწყებს მუშაობას, სადაც მორალური საზღვრები სულ უფრო ბუნდოვანი ხდება.
ტეილორ კიჩი მთავარ როლში მრავალშრიან, წინააღმდეგობრივ გმირს ქმნის; მას ტომ ჰოპერი და დარ სალიმი უწევენ პარტნიორობას. ჯეკ კარის რომანების სამყაროზე აგებული მძაფრსიუჟეტიანი თრილერი შპიონაჟს, ძმობასა და ღალატს ერთ მუშტად კრავს — IMDb-ზე სერიალს 7.9 ქულა აქვს.