ბრაზილიური ტრაგიკომედია „კარამელო“ (Caramelo, 2025) დიეგო ფრეიტასის გულთბილი ფილმია იმაზე, თუ როგორ შეუძლია ერთ ოთხფეხა მეგობარს ცხოვრების ხელახლა შეყვარება გვასწავლოს. ნიჭიერი შეფ-მზარეული პედრო ოცნების ასრულებას — საკუთარ რესტორანს — უახლოვდება, როდესაც მოულოდნელი დიაგნოზი მის გეგმებს ერთ წამში ანგრევს.
სწორედ ამ დროს მის ცხოვრებაში კარამელისფერი მაწანწალა ძაღლი ჩნდება, რომელიც პედროს ყოველდღიურობას ნელ-ნელა სითბოთი და ახალი აზრით ავსებს. ფილმი სენტიმენტალურ თემას სასაცილო და ცხოვრებისეული დეტალებით აწონასწორებს, ბრაზილიური სამზარეულოს ფერადოვნება კი ისტორიას განსაკუთრებულ არომატს სძენს. IMDb-ზე სურათს 7.1 ქულა აქვს.