ციფრული სამყაროდან რეალობაში პირველად იგზავნება უმაღლესი დონის პროგრამა — არესი, რომლის მისიამაც შესაძლოა კაცობრიობის ბედი შეცვალოს: ეს არის ადამიანებისა და ხელოვნური ინტელექტის არსებების პირველი რეალური შეხვედრა. ფანტასტიკური ბლოკბასტერი „ტრონი: არესი“ (TRON: Ares, 2025) ლეგენდარული ფრენჩაიზის ახალი თავია, რომელიც ვიზუალურ სანახაობასა და ტექნოლოგიურ დილემებს აერთიანებს.
რეჟისორ იოახიმ რონინგის ფილმში მთავარ როლებს ჯარედ ლეტო, გრეტა ლი და კინოკლასიკოსი ჯეფ ბრიჯესი ასრულებენ. ნეონით განათებული ციფრული ესთეტიკა, მასშტაბური სამოქმედო სცენები და კითხვა, სად გადის ზღვარი პროგრამასა და ცოცხალ არსებას შორის — ეს ყველაფერი ტრონის სამყაროს ერთგულ თაყვანისმცემლებსაც დააინტერესებს და ახალ მაყურებელსაც.