ლიუკ ბესონმა დრაკულას ლეგენდა სისხლიანი საშინელებიდან ტრაგიკულ სასიყვარულო ისტორიად აქცია. „დრაკულა: სიყვარულის ამბავი“ (Dracula: A Love Tale, 2025) საუკუნეების წინ დაწყევლილი ვამპირის ამბავია, რომელიც ერთ დღეს ისეთ ქალს ხვდება, რომლის სიყვარულსაც მისი ბნელი ბედის შეცვლა შეუძლია. მაგრამ წარსული და ძველი მტრები უკან ბრუნდებიან, რათა ეს გრძნობა აკრძალულად და მიუღწევლად აქციონ.
ფრანგული გოთური ფანტასტიკა ბესონისთვის დამახასიათებელი ვიზუალური სტილითაა გადაღებული: მდიდრული დეკორაციები, ოპერისებური ვნებები და მელანქოლიური ატმოსფერო. მთავარ როლში კეილებ ლენდრი ჯოუნზი გვევლინება, ეკრანზე კი კრისტოფ ვალციც ჩნდება. ეს დრაკულა უფრო შეყვარებული კაცია, ვიდრე ურჩხული — და სწორედ ეს განასხვავებს ფილმს კლასიკური ადაპტაციებისგან.