„კაცი, რომელიც სიკვდილზე უარს ამბობს“, კვლავ გზაზეა. „სისუ 2: შურისძიების გზა“ (Sisu: Road to Revenge, 2025) ფინური ჰიტის გაგრძელებაა: ომში ოჯახდაკარგული ლეგენდარული მებრძოლი მშობლიურ სახლს უბრუნდება, მას მთლიანად სატვირთოზე ტვირთავს და უსაფრთხო ადგილას აშენებას გადაწყვეტს. მაგრამ მისი ოჯახის მკვლელი მეთაური ისევ ცოცხალია — და იწყება დაუნდობელი დევნა მთელი ქვეყნის მასშტაბით.
რეჟისორი ჯალმარი ჰელანდერი ერთგული რჩება თავისი სტილის: მინიმალური დიალოგი, გადამეტებულად სისხლიანი, მოხერხებულად დადგმული სამოქმედო სცენები და შავი იუმორი. მთავარ როლში კვლავ იორმა ტომილაა. მძაფრსიუჟეტიანი საომარი ექშენი IMDb-ზე 7.2 ქულითაა შეფასებული და ზუსტად იმას გვთავაზობს, რასაც პირველი ნაწილის ფანები ელოდნენ.