1990-იანი წლების ნიუ-იორკი, ბინძური ბარები და კრიმინალური სამყარო, რომელიც ერთ უბრალო კაცს უეცრად ყელში სწვდება. დარენ არონოფსკის „ქურდობაში ეჭვმიტანილი“ (Caught Stealing, 2025) ყოფილი ბეისბოლისტის, ჰენკის, ამბავია — სრულიად შემთხვევით ის ისეთ თამაშში ეხვევა, სადაც ფსონი საკუთარი სიცოცხლეა და წესებს დაუნდობელი ხალხი წერს.
მთავარ როლში ოსტინ ბატლერია, მის გვერდით კი ზოი კრავიცი და მეტ სმიტი თამაშობენ. კომედიის, თრილერისა და კრიმინალის ეს ენერგიული ნაზავი არონოფსკისთვის უჩვეულოდ მსუბუქი, მაგრამ მაინც მუქი ტონალობის ფილმია — ძალადობა და იუმორი აქ გვერდიგვერდ მიდის. IMDb-ზე სურათს 6.8 ქულა აქვს.