ერთი ავიარეისი, რომელიც ჯოჯოხეთად იქცევა — ეს არის „არასწორი რეისი“ (Fight or Flight, 2025), კომედიური თრილერი ყოფილ სპეცდანიშნულების აგენტზე, ლუკას რეიესზე. ბორტზე ატეხილი სასიკვდილო ქაოსი მას არჩევანის წინაშე აყენებს: გაექცეს საფრთხეს თუ დაუპირისპირდეს მათ, ვისაც ყველა მგზავრის დახოცვა შეუძლია. რეიესი ბრძოლას ირჩევს.
მთავარ როლში ჯოშ ჰარტნეტია, რომელიც აქ იშვიათი აზარტით თამაშობს — მისი გმირი ერთდროულად სასაცილოც არის და სასიკვდილოდ საშიშიც. ეკრანზე მასთან ერთად კეიტი საკჰოფი და მარკო ზარორი ჩნდებიან. ვიწრო სივრცეში გათამაშებული ხელჩართული ბრძოლები, შავი იუმორი და შეუჩერებელი ტემპი ამ ბრიტანულ ფილმს ექშენის მოყვარულთათვის იდეალურ გასართობად აქცევს.