წარსულს გამოქცეული მილი კელოუეი მდიდარ უინჩესტერების ოჯახში მოახლედ იწყებს მუშაობას — და ოცნების სამსახური მალევე იქცევა სახიფათო თამაშად, სავსე საიდუმლოებებით, სკანდალითა და ძალაუფლების ბრძოლით. პოლ ფეიგის „მოახლე“ (The Housemaid, 2025) ფრიდა მაკფადენის ბესტსელერის ეკრანიზაციაა — თრილერი, რომელშიც არავინ არის ის, ვინც ერთი შეხედვით ჩანს.
მილის როლში სიდნი სუინი გვევლინება, იდუმალ დიასახლისს, ნინა უინჩესტერს, კი ამანდა სეიფრიდი თამაშობს; მათ გვერდით ბრენდონ სკლენარი ჩნდება. მისტიკური ელფერით შეზავებული ფსიქოლოგიური თრილერი მოულოდნელ შემობრუნებებზეა აგებული და მაყურებელს ბოლო კადრამდე ძაბავს. IMDb-ზე ფილმს 7.1 ქულა აქვს.