ზაკის ცხოვრება ერთ დღეს თავდაყირა დგება — შეყვარებული მას იმის გამო ტოვებს, რომ თმა სცვივა. ფრანგული კომედია „ზოგს მელოტებიც მოსწონს“ (Certains l’aiment chauve, 2025) სწორედ ამ, ერთი შეხედვით უმნიშვნელო, მაგრამ ზაკისთვის კატასტროფული პრობლემის გარშემო ტრიალებს: გმირი გაბედულ ლაშქრობას იწყებს სკალპის გადასარჩენად და საყვარელი ქალის დასაბრუნებლად.
ამ სახალისო ავანტიურაში მას თმებით შეპყრობილი ბიძა ეხმარება — და მათი ტანდემი ფილმის მთავარი კომედიური ძრავაა. მთავარ როლში კევ ადამსი გვევლინება, მასთან ერთად კი მაიკლ იუნი და შანტალ ლადესუ თამაშობენ. მსუბუქი, უპრეტენზიო ფრანგული კომედია თვითირონიაზე, კომპლექსებსა და იმაზეა, რომ სიყვარული ვარცხნილობაზე ბევრად მეტს ნიშნავს.