ათი წლის ავრორა დარწმუნებულია, რომ მისი საწოლის ქვეშ ურჩხული ცხოვრობს — ის, რომელმაც მისი ოჯახი შეჭამა. დახმარებისთვის გოგონა უცნაურ მეზობელს მიმართავს, რომელიც, სინამდვილეში, პროფესიონალი მკვლელია. „დაიჭირე მონსტრი“ (Dust Bunny, 2025) ბნელი ზღაპარია, სადაც ბავშვური ფანტაზია და მკვლელების სასტიკი სამყარო ერთმანეთს ეჯახება — გოგონას დასაცავად გმირს მკვლელთა მთელი არმიის მოგერიება მოუწევს.
მადს მიკელსენი მდუმარე დამცველის როლში შესანიშნავია, ეკრანზე კი მას სიგურნი უივერი და დავით დასტმალჩიანი უწევენ პარტნიორობას. ფანტასტიკის, თრილერისა და ექშენის ეს უჩვეულო ჰიბრიდი ერთ რამეს გვახსენებს: ზოგიერთი მონსტრი მართლაც რეალურია. IMDb-ზე ფილმს 6.6 ქულა აქვს.