აგნესი თავს ჩიხში მომწყვდეულად გრძნობს. მისი საუკეთესო მეგობარი ლიდი ნიუ-იორკში გადავიდა და შვილს ელოდება, თავად კი ისევ იმ პატარა საუნივერსიტეტო ქალაქში ცხოვრობს, სადაც ერთად სწავლობდნენ — ახლა უკვე პროფესორის რანგში. რამდენიმე წლის წინ აგნესს რაღაც „ცუდი“ შეემთხვა და ცხოვრება მას შემდეგ ადგილიდან ვერ დაძრულა.
„ბოდიში, პატარავ“ (Sorry, Baby, 2025) ევა ვიქტორის სარეჟისორო დებიუტია — ტრაგიკომედია, რომელიც ტრავმაზე, მეგობრობასა და ნელ განკურნებაზე უჩვეულოდ ნაზი იუმორით ყვება. ვიქტორი მთავარ როლსაც თავად ასრულებს, ნაომი აკი და ლუკას ჰეჯესი კი მის გვერდით არიან. კრიტიკოსების მიერ თბილად მიღებული ფილმი IMDb-ზე 6.8 ქულით ფასდება.