სიდნი პრესკოტმა წლების შემდეგ მშვიდი ცხოვრება ააწყო, მაგრამ წარსული მას კვლავ ეწვია: წყნარ ქალაქში ახალი Ghostface ჩნდება და ამჯერად სამიზნე მისი ქალიშვილია. „კივილი 7“ (Scream 7, 2026) ლეგენდარული სლეშერ-ფრენჩაიზის ახალი თავია, სადაც სიდნიმ საკუთარი წარსულის საშინელებებს თვალებში უნდა შეხედოს, რათა სისხლისღვრას ერთხელ და სამუდამოდ მოუღოს ბოლო.
ფრენჩაიზის გულშემატკივრებისთვის მთავარი სიახლე ნევ კემპბელის სრულფასოვანი დაბრუნებაა — მას კორტნი კოქსი და იზაბელ მეი უწევენ პარტნიორობას. რეჟისორის სავარძელში კი კევინ უილიამსონი ზის, სცენარისტი, რომელმაც თავის დროზე ორიგინალური „კივილი“ შექმნა. მისტიკა, შავი იუმორი და ნიღბიანი მკვლელის კლასიკური თამაში — ყველაფერი თავის ადგილზეა.