წლების შემდეგ პირველ პაემანზე მიმავალი დაქვრივებული ვიოლეტი ძვირადღირებულ რესტორანში ახალი ცხოვრების დაწყებას ცდილობს. მისი თანამოსაუბრე ჰენრი მოსალოდნელზე მომხიბვლელიც კი აღმოჩნდება, მაგრამ იდილია მალე ინგრევა: ვიოლეტის ტელეფონზე ანონიმური, მუქარის შემცველი შეტყობინებები ერთმანეთის მიყოლებით ცვივა და ყოველი მათგანი სულ უფრო საშიშ ულტიმატუმს უყენებს.
„სასიკვდილო გზავნილი“ (Drop, 2025) კრისტოფერ ლენდონის დაძაბული თრილერია, რომელიც თითქმის მთლიანად ერთ რესტორანში, რეალურ დროში ვითარდება. მეგან ფაჰი და ბრენდონ სკლენარი მთავარ როლებს ასრულებენ. ერთი პაემანი, ერთი ტელეფონი და გადაწყვეტილება, რომელზეც ახლობლების სიცოცხლეა დამოკიდებული — მისტიკური თრილერი მაყურებელს ბოლო კადრამდე დაძაბულობაში ამყოფებს.