ავსტრალიის მზიან სანაპიროზე, სადაც ბავშვობა გაატარა, კაცი შვილთან ერთად სერფინგისთვის ბრუნდება — ოცნებობს, ზუსტად იმ ტალღებზე დაიჭიროს ბალანსი, რომლებზეც ოდესღაც თავად სწავლობდა. მაგრამ პლაჟს ადგილობრივების აგრესიული ჯგუფი „მართავს“ და უცხოებს ზღვასთან არ უშვებს. დამცირება დამცირებას მიჰყვება და კონფლიქტი კაცს გონების ზღვრამდე მიჰყავს.
„სერფერი“ (The Surfer, 2025) ლორკან ფინეგანის ფსიქოლოგიური თრილერია, რომელშიც ნიკოლას კეიჯი კიდევ ერთ ექსცენტრიკულ, თანდათან ნგრევად პერსონაჟს ქმნის. მის მოწინააღმდეგეს ჯულიან მაკმაჰონი ასახიერებს. მზით გადამწვარი, ჰალუცინაციური ატმოსფეროს ფილმი მამაკაცურ სიამაყეზე, კუთვნილების შეგრძნებასა და ღირსების დაბრუნების აკვიატებულ სურვილზე მოგვითხრობს.