ქარიშხლიანი უღელტეხილი / Wuthering Heights

ემილი ბრონტეს უკვდავი რომანი კვლავ ცოცხლდება ეკრანზე: „ქარიშხლიანი უღელტეხილი“ (Wuthering Heights, 2026) მე-18 საუკუნის ინგლისში გადაგვისვრის, სადაც ჰითქლიფსა და მდიდარი ოჯახის ასულ კეთრინ ერნშოს შორის ვნებიანი, დამანგრეველი სიყვარული იბადება. ეს ურთიერთობა კლასობრივ ზღუდეებს, ოჯახურ მოლოდინებსა და საკუთარ სიამაყეს ეჯახება — და ტრაგედიაც გარდაუვალი ხდება.

რეჟისორი ემერალდ ფენელი („დაპირებული ახალგაზრდა ქალი“, „სოლთბერნი“) კლასიკას თავისი გაბედული, პროვოკაციული სტილით უდგება. კეთრინის როლში მარგო რობი გვევლინება, ჰითქლიფს კი ჯეიკობ ელორდი ასახიერებს. ვიზუალურად მდიდარი მელოდრამა მშფოთვარე გრძნობების, შურისძიებისა და დაუოკებელი ვნების ისტორიას თანამედროვე სიმძაფრით მოგვითხრობს.