რა მოხდება, თუ ადამიანის ცნობიერებას რობოტ ცხოველში „გადავსვამთ“? Pixar-ის ახალი ანიმაცია „მხტუნავები“ (Hoppers, 2026) სწორედ ამ კითხვაზეა აგებული: ცხოველების მოყვარული მეიბელი რევოლუციურ ტექნოლოგიას იყენებს, რათა ცხოველებს მათსავე ენაზე დაუკავშირდეს და აღმოაჩინოს საიდუმლოებით სავსე სამყარო, რომელიც ყოველგვარ წარმოდგენას აღემატება.
დანიელ ჩონგის რეჟისორობით შექმნილი კომედიური თავგადასავალი ბუნების თემებს ბავშვური სიხალისითა და მოზრდილებისთვის გასაგები იუმორით აზავებს. პერსონაჟებს ხმებს ჯონ ჰემი, პაიპერ კურდა და ბობი მოინიჰანი ანიჭებენ. IMDb-ზე 7.6 ქულით შეფასებული საოჯახო ანიმაცია ფერადი, მახვილგონივრული და მოულოდნელად ღრმა ისტორიაა ბუნებასთან ჰარმონიის ძიებაზე.