თორმეტი წლის ბენს მუსიკა უყვარს, კარგად ეხერხება საჭმლის მომზადება და... ზედმეტი წონის გამო თანატოლების დაცინვის სამიზნეა. ერთ დღეს ის გადაწყვეტს, ცხოვრება საკუთარ ხელში აიღოს: ჯანსაღ რეჟიმზე გადადის და იმ გოგონას გულის მოგებას ცდილობს, რომელზეც ფარულად ოცნებობს. ამ გზაზე ბენი ბევრად მნიშვნელოვან რამეს აღმოაჩენს — ნამდვილი თავდაჯერებულობა იმის მიღებით იწყება, ვინც სინამდვილეში ხარ.
„ზრდასრული ცხოვრება“ (Living Large, 2024) ჩეხურ-ფრანგულ-სლოვაკური თოჯინური ანიმაციაა, კრისტინა დუფკოვას თბილი და გულწრფელი ნამუშევარი ბულინგზე, პირველ სიყვარულსა და საკუთარი სხეულის მიღებაზე. საოჯახო კომედია IMDb-ზე 6.7 ქულითაა შეფასებული და თანაბრად ეხმიანება როგორც მოზარდებს, ისე მათ მშობლებს.