ორი ძმა, ორი მორალური პოლუსი: ჯე-ვანი წარმატებული ადვოკატია, რომელიც მდიდარი კლიენტის შვილს იცავს — ახალგაზრდას, რომელმაც კაცი განზრახ გაიტანა მანქანით; მისი უმცროსი ძმა კი პრინციპული პედიატრია, პაციენტების ჯანმრთელობას ფულზე მაღლა რომ აყენებს. ძმები ცოლებთან ერთად თვეში ერთხელ ძვირადღირებულ რესტორანში ვახშმობენ, მაგრამ როცა მათი თინეიჯერი შვილები საშინელ საიდუმლოში აღმოჩნდებიან გახვეული, ორივე ოჯახის სინდისი გამოცდის წინაშე დგება.
სამხრეთკორეული ფსიქოლოგიური დრამა-თრილერი „ნორმალური ოჯახი“ (A Normal Family, 2024) ჰერმან კოხის რომანის ეკრანიზაციაა, რომელშიც სულ კიუნგ-გუ, ჯანგ დონ-გუნი და კიმ ჰი-აე მონაწილეობენ. მორალურ დილემებზე აგებული სურათი IMDb-ზე 7.0 ქულითაა შეფასებული.