ნიუ-იორკის იდუმალ ცათამბჯენში დიასახლისის ვაკანსია ერთი შეხედვით ჩვეულებრივი შანსია ახალი ცხოვრების დასაწყებად. სწორედ ამ განცხადებას გამოეხმაურება ფილმის გმირი და მალე აღმოაჩენს, რომ შენობას წლების განმავლობაში უამრავი აუხსნელი გაუჩინარება უკავშირდება, კედლებს მიღმა კი, შესაძლოა, სატანისტური კულტი მოქმედებს.
„ისინი მოგკლავენ“ (They Will Kill You, 2026) კომედიის, ბოევიკისა და საშინელებათა ჟანრების უჩვეულო ნაზავია, რომელიც IMDb-ზე 6.6 ქულით შეფასდა. ეკრანზე შთამბეჭდავი ანსამბლი იკრიბება: ზაზი ბიტცი, პატრიცია არკეტი, ჰეზერ გრეჰემი და ტომ ფელტონი. ამერიკულ-სამხრეთაფრიკული წარმოების სურათი მაყურებელს მუდმივ დაძაბულობაში ამყოფებს და შავ იუმორსაც არ იშურებს.