2052 წელი: კაცობრიობა ტკივილს დაემშვიდობა — ნობელის პრემიის ლაურეატმა ნეირომეცნიერმა სკინერმა შექმნა სასწაულმოქმედი წამალი ჰაპნა, რომელიც თითქოს ყველა სენს კურნავს. მაგრამ მალე ირკვევა შემზარავი სიმართლე: წამალს გვერდითი ეფექტი აქვს და მისი მიღებიდან სამ წელიწადში ადამიანი იღუპება. გაუჩინარებული სკინერის მოსაძებნად აგენტების სპეციალური რაზმი — „ლაზარუსი“ იკრიბება.
„ლაზარუსი“ (Lazarus, 2025) შინიჩირო ვატანაბეს — ლეგენდარული „კაუბოი ბიბოპის“ შემქმნელის — სამეცნიერო-ფანტასტიკური ანიმე-სერიალია, რომლის სამოქმედო სცენებზეც „ჯონ უიკის“ რეჟისორმა ჩად სტაჰელსკიმ იმუშავა. პერსონაჟებს ხმებს მამორუ მიანო და მეგუმი ჰაიაშიბარა ანიჭებენ. სტილური ვიზუალი, ჯაზური რიტმი და დროსთან ბრძოლის დაძაბული ამბავი — IMDb-ზე სერიალი 7.7 ქულითაა შეფასებული.