ბრიტანული დაზვერვის ლეგენდარული აგენტი ჯორჯ ვუდჰაუსი შეუძლებელი არჩევანის წინაშე დგება: ეჭვმიტანილთა სიაში, რომლებმაც შესაძლოა სახელმწიფო საიდუმლო გასცეს, საკუთარი მეუღლის — ასევე გამოჩენილი აგენტის, კეტრინის — სახელი ამოტივტივდება. რას აირჩევს: ქორწინების ერთგულებას თუ ქვეყნის წინაშე მოვალეობას?
„შავი ჩანთა“ (Black Bag, 2025) სტივენ სოდერბერგის ელეგანტური ჯაშუშური თრილერია დევიდ კეპის სცენარით — ჭკვიანური, დახვეწილი და დიალოგებზე აგებული კატა-თაგვობანა. მაიკლ ფასბენდერი და ქეით ბლანშეტი ცოლ-ქმარი აგენტების როლებში დაუვიწყარ დუეტს ქმნიან, მათ კი პირს ბროსნანი და ნაომი ჰარისი უერთდებიან. ჟანრის გურმანებისთვის ეს ფილმი ნამდვილი დელიკატესია.