სტენდაპ-კომიკოსი მაქს ბერნალი ცხოვრებისეული კრიზისების მორევშია: კარიერა ჭაობშია, ყოფილ მეუღლესთან აუტისტი ვაჟის, ეზრას, აღზრდაზე დავობს და მამამისთან ერთად ცხოვრობს. როცა შვილის მომავალთან დაკავშირებული მძიმე გადაწყვეტილებები დგება დღის წესრიგში, მაქსი ეზრასთან ერთად სპონტანურ მოგზაურობას იწყებს ქვეყნის გავლით — გზას, რომელიც ორივეს ცხოვრებას სამუდამოდ შეცვლის.
„ეზრა“ (Ezra, 2024) ამერიკული ტრაგიკომედიაა მამობაზე, განსხვავებულობის მიღებასა და ოჯახურ სიყვარულზე. მთავარ როლს ბობი კანავალე ასრულებს, მას როუზ ბირნი და ლეგენდარული რობერტ დე ნირო უწევენ პარტნიორობას. გულთბილი და გულწრფელი ფილმი, რომელიც იუმორსა და ცრემლს ოსტატურად აბალანსებს, IMDb-ზე 6.9 ქულითაა შეფასებული.