პოსტაპოკალიფსურ მომავალში, სადაც მზის მძლავრმა ამოფრქვევამ პლანეტის ნახევარი ცივილიზაციას ჩამოაშორა, განძის მაძიებელი ჯეიკი დაკარგული ხელოვნების ნიმუშებისა და ძვირფასი არტეფაქტების მოძიებით ირჩენს თავს. მორიგი შეკვეთა კი ყველაზე სახიფათო აღმოჩნდება — მას დანგრეულ ევროპაში მოგზაურობა და უძვირფასესი ტროფეისთვის ბრძოლა მოუწევს.
„დაწვის შემდეგ“ (Afterburn, 2025) კომიქსზე დაფუძნებული სათავგადასავლო ბოევიკია კომედიისა და ფანტასტიკის ელემენტებით. დეივ ბაუტისტა მთავარ როლში მთელი თავისი ხიბლით გამოირჩევა, მას ოლგა კურილენკო და სამუელ ლ. ჯექსონი უწევენ პარტნიორობას. სანახაობრივი დანგრეული სამყარო, ირონიული ტონი და ეფექტური სამოქმედო სცენები ჟანრის მოყვარულებს ნამდვილად გაახალისებს.